السوشيال ميديا 2

نكمل الكلام عن السوشيال ميديا   

.

ناخد خطوات عملية عشان ننفذ ال قولناه المرة ال فاتت ونبدأ نغير نفسنا

طب هنعمل ايه ؟؟ 

هنقعد نفضي نفسنا ساعة ساعتين تلاتة عشرين من تصفح المواقع ال ملهاش لازمة

هنعدي على الأصدقاء ال على صفحتنا ونشوف , ال بنستفيد منه نسيبه , ال مش بيفدنا unfollow .... شايفين البساطة

.

نعدي على الجروبات ال الناس بقالها تلاتين سنة كل يوم تدخلنا في جروبات مانعرفش عنها حاجة 😅💔 ,, ونعمل leave group ... وتنزل بوست على صفحتك ( ال هيدخلني في جروب تاني هعمله بلوك 😅🔪🔪💣)

.

نعمل نفس النظام مع الصفحات ال عاملينلها لايك أو فولو ومش بتفيدنا .. او بأسلوب تاني بتجيبلنا اكتئاب .. زي مثلا ال بتعرض هدوم فاشون أوي واحنا مش معانا فلوس نجيب هدوم زيها .. 

أو ال بتنزل بوستات رومانسية واحنا سناجل لسة 💔

قيسوا كل حاجة بالأسلوب ده ... الصفحات دي بتضايقنا واحنا مش واخدين بالنا 💔 ,,, نعمل unlike .....

.

الموضوع هياخد وقت .. بس والله يستاهل وعن تجربة 💙

أنا أول مرة جربته ،أخد مني وقت ،بس بجد فرق معايا 

.

ان شاء الله البوستات القادمة هحط لينكات تعليمية وهقول على كتب وروايات حلوة 

هختم معاكم ببوست طويل حاجة بسيطة بس مفيد

منقول من إحدى الصفحات

أسيبكم معاه دلوقتي ، والسلام عليكم

.

  

كنت قاعد مع صديق لي من يومين، بنتكلم عن السوشال ميديا ومنافعها وأضرارها وكده، وهو كان قفلها لمدة سنة لما شعر إنها 

كانت في قلبه لا يده.

قال لي: يا أحمد

بل الإنسان على نفسه بصيرة ... ولو ألقى معاذيره!.

أنا اكتشفت إني طول حياتي عايش بحور على نفسي وبحتال عليها.

.

عارف إن البنات الي بكلمهم وبينا علاقة "بريئة" دي معجبات بي وفاكرين إني معجب بيهم، وكل اتصال بينا بيزيد تعلقهم بيّ بس عامل عبيط وبخلق لنفسي أعذار وحُجج عشان أنا ضعيف قدام النساء فـ مستمتع ومكمل.

.

عارف إن المواقع دي لو قفلتها هلاقي وقت أستفيد أضعاف أضعاف استفادتي منها، بس أنا ضعيف وعايز كل شويه ناس تعملي لايكات وتقولي كلام حلو لأني بتغذى على مدحهم.

عارف إني بهرب بالخطط الكبيرة والكلام الجميل الي كنت بقوله عن إصلاح المجتمع والصحاب، لأني في الحقيقة ضعيف جدًا ومش عايز أصلّح نفسي أولًا.

.

إنت متخيل إني بالليل كنت أخوض نقاش مع ملحد آل يعني بدافع عن الدين وأنا أصلا مابصليش؟ وتاني يوم منزلتش أصلي الجمعة؟!.. متخيل المُسكنات والوهم الي أنا عايش فيه؟

.

وعارف إني بقعد ع اليوتيوب أسمع محاضرات كتير عشان أعمل نفسي طالب علم وبتاع، لكن في الحقيقة أنا مابعملش حاجة من الي بعرفه، ومش عايز أجاهد نفسي بربع جنيه في إني أعمل، قاعد أسمع وخلاص.

بس صدقني أنا أكثر من يعرفني، مهما كنت سردت لك ساعتها حُجج وأعذار وأسباب وكلام ممكن يقنعك بس عمره ما هيقنعني عشان أنا كنت عارف إني كداب.

.

لحد ما خدت قرار أفوق من العك الي أنا فيه ده وأنقذ نفسي أولًا، وطز في أي حد تاني دلوقتي، يا أحمد ده أول من تسعر بهم النار عالم ومجاهد ومتصدق لمجرد إنهم لم يخلصوا النية لله! وربنا قالي (قوا أنفسكم وأهليكم نارًا).

فيا فرحتي لما أكون سبب في إنقاذ الناس وأغرق أنا، أبقى جسر يمرون من عليه للجنة وألقى في النار!!.

فنزلت جبت خط جديد، وقفلت كل الأبواب، وبعدت خالص عشان أربّي نفسي من جديد، وأحاول أحررها من كم القيود دي وأملك زمامها، وبعدين أبقى أفكر في إنقاذ غيري.

.

وده كان ده أصدق حوار حصل معايا من فترة طويلة وأبكاني جدًا جدًا.

ربنا يصلح حالنا وحاله.